Gwisg Ysgol

GWISG YSGOL

Gweler polisi Gwisg Ysgol yn yr adran polisiau.

Er mwyn teimlo’n rhan o gymuned yr ysgol rydym yn annog pob disgybl (yn cynnwys plant y Feithrin)i wisgo gwisg yr ysgol yn ddyddiol.

Siop YC Sports yw cyflenwyr swyddogol y wisg ysgol, ond mae croeso i chi brynu gwisg ysgol yn y lliwiau cywir o unrhyw ddarparwr gyda neu heb fathodyn yr Ysgol. Os hoffech fathodyn yr Ysgol ar y wisg bydd angen mynd i YC Sports.

YC Sports, 156 Cowbridge Road East, Caerdydd, CF11 9DU; 029 2022 0246.

Cofiwch ddod i'r neuadd Fach i gasglu gwisg ysgol ail-law unrhyw bryd. Mae detholiad ardderchog o ddillad ar gael, diolch yn fawr i Ffrindiau Hamadryad am drefnu'r wisgoedd.

Gaeaf

Siwmperi: glas
Crysau polo: gwyrddlas
Sgert/trowsus: llwyd
Esgidiau: duon
Sanau: du/llwyd

Haf

Siwmperi: glas
Crysau polo: gwyrddlas
Ffrog las a gwyn (streipiog neu siec)
Trowsus: byr llwyd
Esgidiau: duon neu sandalau call
Sanau: gwyn/du/llwyd

Gwisg Addysg Gorfforol

Dylai plant wisgo gwisg Addysg Gorfforol ar ddiwrnodau pan fo ganddynt wersi Addysg Gorfforol (2 ddiwrnod yr wythnos), a dim ond ar y diwrnodau hynny. Bydd pob plentyn yn aelod o lys ar gyfer amrywiol weithgareddau’r ysgol a dylent wisgo crys-T yn cyfateb â lliw eu llys fel gwisg Addysg Gorfforol. Nid oes yn rhaid i’r crys-T gynnwys bathodyn yr ysgol.

Y wisg Addysg Gorfforol yw:

Crys-T Addysg Gorfforol yn lliw’r llys
Siwmper / cardigan: glas (yn dangos bathodyn yr ysgol os dymunir)
Trowsus neu siorts hyfforddi: du neu llwyd tywyll heb logo amlwg
Sanau: gwyn/du/llwyd
Esgidiau: esgidiau addas ar gyfer ymarfer corff